Helle Thorning-Schmidt tikeraalerpoq
Socialdemokratit siulittaasuat Helle Thorning-Schmidt aqagu Kalaalit Nunatsinnut Siumumit tikeraarsarneqarsimalluni tikeraarngaassaaq. Pingasunngorpamut tikeraarneq sivisussuseqassaaq ilaatigullu naapissavai inatsisartut siulittaasuat Jonathan Motzfeldt, Siumut sinnerlugu Folketingimi ilaasortaq Lars-Emil Johansen, Nuup Borgmesteria Agnethe Davidsen partiillu Siumup ulluinnarni aqutsisui.
Kalaallit Nunaannik takornartussaavunga, pissangavungalu Kalaallit Nunaanni pissutsinik oqallissiginninnissannut kalaallillu inuaqersaartarnerat tusaamasaasoq misigissallugu, Helle Thorning-Schmidt tusagassiorfinnut nalunaarummini oqarpoq.
Ilaatigut Kalaallit Nunaanni angallannerup aaqqissuunera takornarissanillu inuuniuteqarnerup aaqqissuussaanera Air Greenland-imik Royal Arctic Linemillu ataatsimeeqateqarnikkut oqalliseqataaffigissavaa.