Helle Thorning-Schmidt-ip nunatsinni tikeraarnera naavoq

Partiip Siumup Danmarkimi Socialdemokratit siulittaasuat Helle Thorning-Schmidt sapaatip-akunnerata naanerani naapeqatiginiarlugu aggersarsimavaa. Taassumalu siullerpaamik nunatsinnut tikeraarnera ullumi naavoq.

Siumukkormiut Socialdemokratillu piffissami kingullermi isumaqatigiinngissuteqartarmata siulittaasup aggersarnera tunngavissaqarluarsorinarpoq.

Siumukkut Folketingimi Socialdemokratit suleqatiginagit Atlantikup avannaani suleqatigiinni suleqataasarput. Namminersorneq pillugu isumalioqatigiissitani ilaasortaanerminni partiit taakku imminnut sakkortuumik aporaattarput – Siumullu Folketingimi ilaasortaatitaata Lars-Emil Johansenip oqaatiginikuuvaa siornatigut Socialdemokratit naalakkersuisooqatiginni suleqataagallarneranut naleqqiullugu massakkut Danmarkimi naalakkersuisooqatigiit suleqatiginiarnerat pitsaanerusoq. Helle Thorning-Schmidtilu isumaqarpoq

aporaattanerit sakkukillisarniarlugit naapeqatigiittarnissaq pisariaqartartoq.

- Qanilleqqinissarput anguniarlugu naapeqatigiittuartariaqarpugut. Nutaamik isumaqatigiissusiortariaqarluta paasivarput neriuppungalu qanittukkut suliarisinnaassallutigu. Nunassi ineriartornerani suleqataarusuppugut. Isumaqatiginngittaraluarluta suleqatigiinnerput nukittorsarluarsinnaavarput, Helle Thorning-Schmidt oqarpoq.

Danmarkip nunattalu akornanni pingaarutillit eqqartorneqarput – soorlu eqqartuussiveqarneq namminiilernissarlu. Helle Thorning-Schmidtip aggersarneqarnini nuannaarutigaa isummaminillu allanngortitserusunngilaq.

- Namminersorneq pillugu isumalioqatigiisitami suleqataanerput nuannaarutigaara anguniakkagut allanngortikkusunngilakka, Helle Thorning Schmidt oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat