Helle Kreipke: Kalaallit allamiut assigalugit neqeroorfigineqartariaqaraluarput

Kalaallit Danmarkimut nutserlutik tikerlaat - allamiut nutsertut assigalugit neqeroorfigineqartariaqaraluarput, taama isumaqarpoq Odense-p Kommuneani isumaginninneq pillugu siunnersorti Helle Kreipke.

Qimaasut imaluunniit ilaqutariit ataatsimuulersinneqartarnerini Danmarkimut tikittut ukiut pingasut danskit inuiaqatigiivinut akuliunnissaannut pikkorissarnissaannik neqeroorfigineqartarput. Pikkorissarnermi qallunaatoorneq, inuiaqatigiit ingerlaasaat ilinniarneqartarput. Aningaasanik pisartagaqarnissamut ilitsersuussineqartarportaaq.

Kalaallilli Danmarkimi innuttaasutut allassimammata neqeroortarneq kalaallinut tikerlaanut atuutinneqanngilaq. Tamanna naliliiffiginniarlugu maanna suliniummik aallartitsivugut, allamiummi tikittut assigalugit kalaallit tikerlaat aamma ajornartorsiortarsinnaasarmata, Helle Kreipke raadiuaviismut oqarpoq.

Ukioq affaq kingulleq kalaallit arfinillit Odensep kommunianut nuuttutut nalunaarsorneqarsimapput.

Kalaallit qasserpiaat Danmarkimut nuuttarnersut aamma inuiaqatigiinnut akuliunniarnermut ajornartorsiutip annertussusaa ukiut tullii pingasut paasiniarneqassapput.

Taamaammat isumaginninneq pillugu ministeriaqarfiup inuiaqatigiinnut akuliunniarneq pillugu suliniutit sisamat tapiiffigeqqammerpai.

Kalaallit tikerlaat isiginiarneqarnerulissapput. Odensep kommuneata aningaasat tapiissutaasut sulisumut allamiunik inuiaqatigiinnut akuliutitsiniaanermik suliaqartareersumut aningaasat atorneqassasut, Helle Kreipkep ilisimatitsissutigaa.

- Tikerlaat sulisup inuiaqatigiinnut akuliunnissaannut ikiussavai, pikkorissarnissanut sorlernut ingerlassanersut ajoqersuullugit assigisaanillu - naatsumik oqaatigalugu pisinnaatitaaffigeriigaannik sulisussarput ilitsersuussissaaq, Helle Kreipke taama oqarpoq.

Ålborg, Århus, Odense aamma Guldborgssund kommunit katillugit 4,4 million koruuninik tapiiffigeqarput 2010-p tungaanut akuliutitsiniarnissamut atorneqartussanik. Rosa Thorsen ilanngutassiamik suliarinnippoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat