Helene Risager toquvoq
KNR-imi tusagassiortutut ukiorpassuarni sulisimasoq Helene Risager, ullumi arfininngornermi juunip ulluisa 29-anni toquvoq.
Allattoq Mads Lynge
Helene Risager angerlarsimaffimmini eqqissisimalluni anniaateqaranilu ilaquttaminit najorneqarluni 82-inik ukioqarluni toquvoq. Pania taama nalunaaruteqarpoq.
Helene Risager ukiorpassuarni KNR-imi tusagassiortuuvoq, suliarpassuisalu ilagaat KNR-ip immikkoortoqarfiisa siullersaannik, Avannaata Radioanik pilersitseqataallunilu piorsaaqataasimanera.
KNR-ip Nutaassiassaqarfiani aammalu Kultureqarnermi Aliikkusersuinermilu immikkoortoqarfinni aamma suleqataasarsimavoq.
Helene Risager qaqugu ilisaassanersoq kingusinnerusukkut nalunaarutigineqarumaartoq paniata oqaatigaa.