Helene Risager sisamanngorpat ilisaassaaq
Helene Risager Københavnimi Skt. Ansgars Kirkemi Bredgade 64-imiittumi sisamanngorpat juulip ulluisa sisamaanni ilisaassaaq.
Tamatuma kingorna Kalaallit Illuutaanni Løvstrædemiittumi kaffillertoqassaaq. Helene Risagerip pania Lisa Risager KNR-imut taama paasissutissiivoq.
Naasunik pisinani aningaasat Peqatigiiffik Kalaallit Meerartaannut tunniunneqarnissaat taassuma kaammattuutigaa.
AAMMA ATUARUK Helene Risager toquvoq
Helene Risager sivisuumik napparsimareerluni 82-inik ukioqarluni arfininngornermi juunip ulluisa 29-anni toquvoq.
KNR-imi ukiorpassuarni tusagassiortuuvoq, ilaatigut Avannaata Radioanik pilersitseqataalluni.