VIDEO Heksehylit meeqqanit nuannarineqarluartut

Ukiutoqaleqaaq-aasiit, kingumullu ilisarnaatit ilagilluinnagaat, tassa qummoroortartut, tuniniagaaleruttorput. Taakku ilagaat meeqqanit nuannarineqarluartut pisiarineqarluartartullu heksehylit. Paasiniarparput 18-inik ukioqalereersimanngitsunit pisiarineqarsinnaanersut.
Allattoq Sika Frederiksen
decembarip 30-at 2014 14:38

Niuertarfinni Heksehylit tuniniakkat assigiinngitsunik angissusillit sakkortussusillillu tuniniagaapput. Qaqortumi pisiniarfiit ilaannut iserpugut.

 

- 18-ileereersimanngikkaanni, angajoqqaatik ilagalugit pisiniartarput imaluunniit kammalaatiminnik ilaqarlutik 18-ileereersimasumik pisiniartitsisarput, pisiniartitsisoq Silvia Møller KNR-imut oqarpoq.

 

Politiinili malittarisassat 1968-imeersut malinneqarput.

 

- Tassani allaqqagami taakkua Heksehylit, nerrivinni qaartartut eqqortaatit taakku igikkaangata pinnguat seqquinnartartut, tamakkua malittarisassami ilaannginnamik, tassa imaappoq meeqqat aamma pisisinnaapput, Bent Ole Kleist Region Kujataani Politikommissæri KNR-imut oqarpoq.

 

Ileqqorissaarnissarlu anguniarlugu politiiniit angajoqqaajusut meeqqaminnut oqaaqqissaarinissaat kaammattuutigineqarpoq.

 

- Soorunami ileqqorissaarnissaq aallaavigalugu inissiarsuarnut iserlutik gangini qaartitseqattaassanngillat, taakkununnga najugalinnut kamassaarutigalugit uumisaarutigalugillu, soorunami ileqqorissaarnissaq aallaavuigalugu taamaasiussanngillat, Bent Ole Kleist oqarpoq.