Hekhmatyar-ip eqqisseqatigiinnissaq anguniarpaa
Afghanistanimi pikitsitsisuni siulersortit nuimanersat ilaat, Gulbuddin Hekhmatyar, eqqisseqatigiinnissamik angusaqarusuppoq, Afghanistanillu præsidentianik Hamid Karzai-imik ataatsimeeqatiginninnikkut tamanna anguneqarsinnaanerarlugu.
Hekhmatyar-ip eqqisseqatigiinnissamik angusaqarusunnera Afghanistanimi qinikkanit ilassilluarneqarpoq, Hekhmatyarilli tatiginassusaa aamma apeqquserneqarpoq.
Taanna Afghanistanimi siornatigut ministeriunerusimavoq, Afghanistanimilu nuannarineqaqaluni.
Nutaarsiassaqartitsivik Associated Press taama allappoq.
- Hekhmatyar ataqqinartuuvoq, sorsunnermillu illernartumik aqutsilluartuulluni. Illersoqatigiinnut ilanngukkuni nunarput isumannaatsuunerulissaaq, Afghanistanip kangisissortaani nunap immikkoortortaani Paktiami qinikkat ilaat Gul Badshah Majid oqarpoq.
Hekhmatyar tapersersortaalu Afghanistanip kangisissortaanit 2001-imili saassusseqattaartarsimapput. Muslimit ingasaassiniat talibanerit Afghanistanip kujasissortaaniinnerusarsimapput, Hekhmatyarili nammineq oqarpoq talibanerinik tapersersuinini kipitissimallugu.
