Haule iperagaavoq

Tyskit nunaanni siornatigut pikitsitsiniartarsimasoq, Eva Haule, ukiut 21-it parnaarussaaqqareerluni iperagaavoq.

Eva Haule tallimanngormat iperagaavoq, aatsaalli maannakkut iperagaanera pisortatigoortumik nalunaarutigineqarluni.

Iperagaanerata aatsaat nalunaarutigineqarnera pissuteqarpoq, tyskit oqartussaasuisa pikitsitsiniartarsimasoq, Eva Haule, tusagassiutit eqqumaarinnerannut illersorniarsimammassuk, nalunaarusiami tamanna oqaatigineqarpoq.

Eva Haule pikitsitsinianut Rote Armé Fraktionimut 1980-ikkuni ilaasortaasimavoq.

Eva Haule, 1986-imi tigusaavoq ukiullu 15-it parnaarunneqartussanngorlugu eqqartuunneqarluni NATO-p atuarfianik Bayernimiittumi iluatsinngitsumik qaartitseriaraluarnermi kingorna aammalu pikitsitsiniat kattuffiannut ilaasortaasimanini pillugu

parnaarunneqarsimalluni.

Haule ukiut arfinillit matuma siorna iperagaasussaasimagaluarpoq, taamanikkulli eqqartuunneqarnera allanngortinneqarpoq paasineqarmat toqutsinermut peqataasimasoq qaartartumeerisunullu ilaasimanera pillugit inuunera naallugu parnaarunneqartussanngorsimagaluarluni,

Haule tamatuma kingorna isumakkeerfigineqarpoq maannakkullu iperagaalluni.