Haship pissarsiarinissaa ajornanngeqaaq

Hashimik tuniniaasarneq pujortartarnerlu nunatsinni akiorniarneqartaqisoq radioaviisimit misilipparput hashimik pissarsiniartarneq qanoq ajornanngitsiginersoq paasiniarlugu.

Isertorluta immiussivugut, uppernarsisinniarlugu 100 koruuni hashimik taarserniarlugu qanoq issanersoq.

Nuummili bowlingertarfiup silataanut pigatta paasivarput isertarfiup saavani tuniniaasoqartoq.

Hashimik tuniniaasut ammasorujussuupput, meeqqat bowlingertarfiup eqqannguani aamma pinnguarput, ajornanngitsuaqqamillu 100 koruuni taarserparput, tassalu radioaviisimit paasivarput Nuummi hashimik piniarneq qanoq ajornanngitsigisoq. Minutsit tallimat ingerlanerinnaani hashimik pisisoqarsinnaavoq.

Radioaviisimiillu ingerlaannaq politeeqarfiliarpugut hashi pissarsiarput tunniukkiartorlugu, politeerli qungujorujussuaannarpoq, tunniussinerpullu pillugu pasilliuteqarnianngilaq, paasivarpullu 0,35 gram politeeqarfimmit 150 meterit missaannik ungasitsigisumit pissarsiaralugu. Politiinspektør Ole bolvig Hansen tassunga tunngasumik kisimi oqaaseqarsinnaatitaasoq oqaloqatigigatsinni isumaqarpoq politiini suliassartik suliarisinnaajuartarlugu. Hashimulli inerteqqutaasumut akiuiniassagaanni inuiaqatigiit aamma suleqataasariaqarnerarpai, soorlu paasititsiniaajuarnikkut, allatigulluunniit.

Nuummi hashi kilo tuniniarneqartuuppat 300.000 koruuninik iluanaarutaasinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat