Hashinik tuniniaaviit piiarneqartut
Politiit Christianiamut isaapput, hashinillu tuniniaaviit piiarlugit.
Hashinik tuniniaaviit tallimat peerneqarput. Hashinik tuniniaaffiusartoq Pusher Street ungasitsukkut piaaffigineqarpoq, hashinillu tuniniaaviit nappartinneqarsimasut allat maanna piiarneqarlutik.
Hashinik tuniniaasartut akornanni aaqqiaginngissuteqartoqarmat politiit eqqissisaaniarlutik tuniniaavinnik piiaapput, tigusarinnittoqanngilarli.
- Hashimik tuniniaaqqittoqartalersoq maluginiarparput, arajutsisimanngikkippullu takutinniarlugu taamatut iliuuseqarpugut, politiit sinnerlugit oqaaseqartoq Flemming Steen Munch oqarpoq.
Imerniartarfik “Abegrotten” ataasinngormat unnuakkut eqqissiviilliorfiuvoq, eqqartoqarpoq, qaartartorlu milorujuttagaq qaartinneqarluni.