Kalaallit Nunaanni Politiit hashi nunatsinnut anngiortumik nerriviusani qarajakkani toqqorterlugu eqqussuunneqartartoq ilaatigut paasivaat.Assi: KNR

Hashimik tuniniaanermi tunuliaqutaasoq eqqartunneqartoq

Tunuliaqutaasup hashi 10 kiilup missaanik annertussuseqartoq aninnaasallu 754.000 koruunit iluanaarutigisani pissutigalugu ukiuni pingasuni pineqaatissinneqarsimasunut inissiisarfimmiittussanngorpoq. Politiit tusagassiuutinut nalunaarummi allapput.

- Angut Danmarkimi pinerluuteqarnermik avatangiiseqarsimasoq aaqqissuussamik anngiortumik eqqussuinermut nunattalu ilarujussuani hashimik tuniniaanermut ullumi eqqartuunneqarpoq.

Kalaallit Nunaanni Poliit tusagassiuutinut nalunaarummi allapput.

Angut 33-nik ukiulik Aasianneersoq nunatsinni hashimik tuniniaanermi annertuumi tunuliaqutaasutut pisuutinneqarluni Nunatta Eqqartuussisuuneqarfiani ullumi eqqartuunneqarpoq.

Hashi nerriviusani toqqorneqartoq 

- Suliaq unnerluuteqartigineqartup nunatsinnit 2018-imi decembarimi aallarniarnerani nassataani 110.400 koruunit nassaarineqarnerannik aallartinneqarpoq, unnerluussisussaatitaasoq, Emil Maegaard-Hoffmann oqarpoq.

- Anignaasat politiit qimmiinit naamaneqarsinnaajunnaarsillugit poortorneqarsimapput. Tamatuma kingorna hashimik aaqqissuussamik tuniniaaneq annertooq paasineqarpoq, unnerluussisussaatitaasullu inuk pineqartoq tuniniaanermi attaveqatigiinni tassani pingaarnertut inisssisimasutut unnerluutigaat.

Kalaallit Nunaanni Politiit hashi nunatsinnut anngiortumik nerriviusani qarajakkani toqqorterlugu eqqussuunneqartartoq ilaatigut paasivaat.

Angut 33-nik ukiulik Danmarkimi pinerlunniaqatigiinni avatangiiseqarsimavoq, taannalu eqqartuussivimmi nunattalu eqqartuussisuuneqarfiani unnerluutigineqartunut pinngitsuunerarluni.

Nunatta Eqqartuussisuuneqarfia sakkukinnerusumik pineqaatissiisoq

Angut eqqartuussivimmi aaqqissuussamik hashimik pinerluuteqarnermut suliamut atatillugu pisuutinneqartuni eqqartuunneqarpoq, ukiunilu pingasuni qaammatinilu arfinilinni pinerluuteqarsimasunut inissiisarfimmiittussanngortinneqarluni.

Nunattali eqqartuussisuuneqarfiata angutip 33-nik ukiullip eqqartuussummik suliassanngortitseqqinniarluni aalajangernerata kingornatigut eqqartuussut sakkukillivaa.

- Nunatta eqqartuussisuuneqarfiata unnerluutigineqartoq pisimasoq ataaseq minillugu pisuusutut eqqartuussivittulli pisuusutut eqqartuuppaa, tassa unnerluutigineqartoq hashimik 4,2 kiilumik nassiussisutut pinngitsuutinneqarpoq.

Eqqartuussullu ukiuni pingasuni pineqaatissinneqarsimasunut inissiisarfimmiittussanngortinneqartutut inerneqarluni.

- Nunatsinni hashimik pinerluuteqarneq inuiaqatigiinnut annertuumik kinguneqartarpoq, taamaammat politiit misissueqqissaarnerat annertooq pissutigalugu – aaqqissuussamik hashimik tuniniaanermi tunuliaqutaasunit ataaseq pineqaatissinneqartikkatsigu ilorrisimaarutigaarput, unnerluussisussaatitaasoq, Emil Maegaard-Hoffmann oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat