Hashimik qinerlerneq suleqatigiiffigilluarpaat
januaarip 06-at 2005 17:27
Danskit kalaallillu pisortaasa hashimik atuinerup paasiniarneqaneranut suleqatigiinnerat sakkortusisaq malunniukkiartulerpoq iluaqutaasoq.
Danmarkimi akitsuuserisut pisortaqarfiat Namminersornerullutillu Oqartussat suleqatigiinnissamik isumaqatigiissuteqarnikuupput.
Tamanna ilaatigut kinguneqarpoq decemberip qiteqqussimalernerani angut Danmarkimit nunatsinnukarniaq tigusarineqarmat, Kalaallit Nunaanni angalaarnissamut billetilik nassataanut ilaalluni hashi kiilu, akitsuuserisut nalunaarput.
Hashi kiilu sorujussuartut annertutiginngikkaluartoq oqaatigineqarpoq, kisianni Ritzau naapertorlugu hashi Kalaallit Nunaanni ima akisutigaaq kiiluinnaq aqqusiniinnarmi tuniniarneqaruni katillugit ½ imaluunniit 1 mio. kr.-nik naleqassagaluarluni.
