Hashimik pujortartartunik qitornalinnut imminnut ikiornissamut atuagaq nutaaq

Meeqqat ikiaroornartumik atuiunnaarnissaat anguniarlugu atuakkamik sakkussanik ikiorsiissutaasinnaasunik siunnersuutitaqartoq saqqummersinneqarpoq.  Atuagaq “Hashimik pujortartartumik qitornalimmut” ateqarpoq.

Peqqissutsimut Naalakkersuisoqarfik taama allappoq.

Atuakkiortup Christopher Schmitzip siunnersuutinik tigoriaannarnik angajoqqaat imminnut ikiornissamut atuakkiaa maanna kalaallisuunngortinneqarpoq.

AAMMA ATUARUK Hashimut pilersaarut kinguaattooqqasoq sulisunit amerlanernit suliarineqalertoq

Imminut ikiornissamut atuakkiami angajoqqaat inuusuttullu akornanni oqaloqatigiinnermi ikiaroornartumik atornerluineq qanoq unitsinneqarnissaanut tigussaasunik siunnersuutitaqarpoq.

- Atuagaq “Hashimik pujortartartumik qitornalimmut” kalaallisuunngortinneqarnissaanut Peqqissutsimut Naalakkersuisoqarfik suleqatiginissaanut aalajangerpunga - atornerluinermut katsorsarnermut misilittakkat pitsaasut avitseqatigiumallugit, Christopher Schmitz oqarpoq nangillunilu:

- Misissuinerummi takutippaa inuusuttup ikiaroornartumik atornerluiunnaavinnissaa anguniarlugu angajoqqaat peqataatinneqarnissaat pisariaqarluinnartoq,  Atuakkiortoq Christopher Schmitz arlaleriarluni Kalaallit Nunaani suliamik ilisimasalinnik angajoqqaat inuusuttumik ikioroortartunik oqaloqateqarnissamut atuakkiartoq taama oqarpoq.

Nunatsinnilu ikiaroornartoq ernumanartumik ajunartorsiutaasorineqarpoq.
 
- Angajoqqaat sulisullu suliamut attuumassuteqartut inuusuttut ikiaroornartumik atuinngitsoorsinnaajunnaarsimasut ikiorneqarnissaannut kalaallisut atuakkamik sakkussaasinnaasumik neqerooruteqarsinnaaleratta nuannaarutigaara, Peqqissutsimut Naalakkersuisoq, Agathe Fontain oqarpoq.

Atuagaq ”Hashimik pujortartartumik qitornalimmut” peqqik.gl-imi aaneqarsinnaavoq.

AAMMA ATUARUK Pilersaarut ingerlavoq innuttaasulli peqataatinneqassapput

AAMMA ATUARUK Qeqqata meerartai hashimik atornerluinermit eqqugaaqqasut