Hashimik eqqussisoq eqqartuukkasuarpaat
Ikiaroornartumik hashimik 1 kiilungajammik eqqusseriartoq eqqartuukkasuarneqarpoq.
Allattoq Noah Mølgaard
Ikiaroornartumik hashimik annertuumik Danmarkimiit eqqusseriartoq Nunatsinnut tikinnermini tigusarineqarpoq.
Eqqusseriartoq erngerlugu Nuup Eqqartuussivianut sassartinneqarpoq tassanilu qaammatini sisamani pinerluuteqarsimasunut inissiisarfimmiittussanngortinneqartoq, Nuup politiivi nalunaarput.
Taassuma saniatigut ikiaroornartulerinermut tunngasut sisamat politiit suliaraat taakkunanilu suliani marlunni hashi cafémi nassaarineqarsimasoq pineqarpoq.