VIDEO Hashimik atuineq qaffakkiartortoq meeqqanut sunniuteqartarpoq

Nunatsinni hashi inerteqqutaagaluartoq, innuttaasut peqqissusaannik misissuititsinermi peqataasut affaat sinnilaarlugit hashimik pujortarneq misilissimagaat misissuinernit ersersinneqarpoq.

Hashimillu akulikitsumik atuineq angutit inuusuttut akornanni annertusisimasoq, kalaallit nunaanni innuttaasut peqqissusaannik 2014-imi misissuinermi ukioq mannalu saqqummersinneqartumi ersersinneqarpoq.

Angutit inuusuttut 18-iniit 24-inut ukiullit 31 procentingajaasa 2014-imi minnerpaamik qaammammut ataasiarlutik hashimik pujortartarlutik ilisimatitsissutigaat, tamanna 2005-imiit qaffasinnerungaatsiarpoq, ukiormi taanna angutit inuusuttut akornanni 20 procentit sinnilaarlugit minnerpaamik qaammammut ataasiarlutik hashimik pujortartarlutik ilisimatitsissutigisimammassuk.

Ikiaroortartut kisimik eqqugaaneq ajormata, hashi inerteqqutaaginnartariaqartoq, siunnersuisoqatigiit isumaqarput.

- Maannakkut malunnarsivoq haship ajornartorsiutaanera Nunatsinni annertoorujussuusoq, ilaqutariinnullu assut eqquisartoq, Imigassaq ikiaroornartullu pillugit siunnersuisooqatigiinni siulittaasoq, Britta Nielsen Johansen oqarpoq.

Aamma atuaruk Siusissukkut iliuuseqarneq atornerluisunut neriuuteqalersitsisoq

Aamma atuaruk Hashitortarneq bingortarnerlu ajornarsiutaajartuinnalersut

Atornerluisuunerup peqqissuseq kisiat sunnerneq ajorpaa, meeqqanullu aamma sunniuteqarujussuartarpoq, tamaattoqarneranilu

- Maannakkut malunnarsivoq haship ajornartorsiutaanera Nunatsinni annertoorujussuusoq, ilaqutariinnullu assut eqquisartoq, Imigassaq ikiaroornartullu pillugit siunnersuisooqatigiinni siulittaasoq, Britta Nielsen Johansen oqarpoq.

atuarfimmi angusarisaannut sunniuteqapiluttarpoq, tamannalu suliniuteqarfigineqartariaqarpoq.  

- Meeqqat peqatiginissaannut ilaqutariit ataatsimoornissaannut nuannisarnissaagaluanut atorneqarnani illuatungaanilli atornerluinerup inituallaalerneranik assigiinngitsut nuannersumik ingerlatassaagaluit ingerlanneqarsinnaanatik.

- Pinaveersaartitsinermi suliassat annertuut ingerlattariaqarpagut, meerartaqarpugut ulluinnarni inooqataaffigineqartunik tamakkunani taakkuuppullu uagut inersimasut allat illersugassagut, Imigassaq ikiaroornartullu pillugit siunnersuisooqatigiinni siulittaasoq, Britta Nielsen Johansen oqarpoq.

Taamaammallu hashimik atornerluisuunerup akiorniarnissaanut immikkut ittumik aallartitsisoqarnissaa, Naalakkersuisut aalajanngiuppaat.

Nunatsinni innuttaasut peqqissusaannik misissuinerit, Danmarkimi naalagaaffiup innuttaasuisa peqqissusaannik misissuisarfiata suliaraa, uanilu atuarneqarsinnaavoq

Pingasunngorpat nalunaaqutaq arfineq marlunut, Nummi kulturip illorsuaaniit Oqalliffimmiit immikkut ittumik, KNR Radiomi aallakaatitsissaagut, tassanilu hashimik atornerluisuuneq sammineqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat