Hashimik 50 kilomik eqqusseriaraluartoq

Danmarkimi Nunatsinnilu politiit suleqatigiillutik ikiaroornartumik hashimik annertuumik eqqusseriaraluartoq tigusaraat.

Angut 20-nik ukiulik hashimik eqqusseriaraluartoq ukiuni sisamani pinerluuteqarsimasunut inissiisarfimmiittussanngorlugu pineqaatissinneqarpoq hashimik 50 kilomik eqqusseriarsimasutut unnerluussaareerluni. Eqqartuussineq Nunatta Eqqartuussiviani ippassaq pivoq.

Eqqusseriartoq paasineqarpoq ikiaroorartoq suli Nunatsinnut eqqunneqanngitsoq. Københavnimi politiit Nunatsinni politiit suleqatigalugit paasiniaanermik ingerlatsipput, suleqatigiinnerullu taassuma kingorna eqqusseriartoq tigusarineqarpoq. Eqqartuussinissamut uppernarsaatit qulakkeerneqareermata suliaq Nunatsinnit politiinut nangitassanngortinneqartoq, politimester Bjørn Tegner Bay nalunaarpoq.

Angut nunatsinni najugaqartoq oktoberimi Danmarkiliarsimavoq tamatumalu kingorna pinerlunniartartut arlaannut attaveqarsimalluni. Tamatuma kingorna tigusarineqartoq, Nunatsinni politimestereqarfimmi unnerluussisuuneq Lars Kirkegaard KNRimut oqarpoq.

Eqqusseriartoq hashimik 50 kilomik pigisaqarsimavoq siunertaasimavorlu aanngajaarniutip taassuma inerteqqutaasup Nunatsinni tuniniarnissaa. Angut siullermik Nuup Eqqartuussiviani pinngitsuutinneqaraluarpoq maannali tassa Nunatta Eqqartuussiviani pisuutinneqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat