Hashimik 14,5 kiilumik eqqussisimasutut pineqaatissinneqarpoq
Angut 41-nik ukiulik, Nuummi suliffiutilik, hashimik 14,5 kiilumik eqqussisimasutut ukiut pingasut affarlu pinerluuteqarsimasut inissinneqartarfianniittussanngorlugu Nuup Eqqartuussiviani eqqartuunneqarpoq. Angutip pineqaatissinneqarnini Nunatta Eqqartuussivianut ingerlateqqippaa.
Allattoq Mads Lynge
Angutip hashimik katillugu 24 kiilumik eqqussisimasutut pineqaatissinneqarnissaa unnerluussisut pimasarigaluarpaat, eqqartuussiviulli 14,5 kiilumik eqqussisimasutut pineqaatissippaa.
Ikiaroornartumik akiuiniartut pisortaat Finn Jeppesen, Nuup politiivinnersoq, suliaq pillugu annertunerusumik oqaaseqarusunngilaq.
Angut 41-nik ukiulik sapaatip-akunnerini sisamani suli tigummigallarneqassasoq, Sermitsiap nittartagaani atuarneqarsinnaavoq.