Politikki

Hashi, viagrat angerlarsimaffimmilu eqqissiviilliornerit

Nuummi politiit sapaatit akunnerata siuliani pisunut assigiinngitsorpassuarnut orniguttariaqarsimapput. Angerlarsimaffinni eqqissiviilliornerit ulluinnarsiutaappullusooq, soorlu aamma ikiaroornartut pillugit inatsimmik unioqqutitsinerit taamaattut. Immikkulli maluginiagassaq tassaavooq angut viagranik tigummiartoq taakkuninngalu tuniniaaqqinniartutut nakorsaatit pillugit inatsimmik unioqqutitsisimasutut unnerluutigineqarsimammat.
Allattoq Peter Troelsen, Simon Uldum
marsip 11-at 2013 07:52

Politiittaaq arnaq naartoorsuanngoreersimasoq aalakoortupilussuulluni nuanninngitsumik pissusilersortoq orniguffigisariaqarsimavaat, taannalu politeeqarfiliaassinnarlugu kingorna napparsimmaviliaanneqartariaqarsimavoq.

Illoqarfimmi sumiiffinni assigiinngitsuni illunut tillinniarnerit arlallit aamma politiit misissuiffigisaasa ilagisimavaat, aammattaaq aalakoorpallaarlutik imminut isumagisinnaajunnaarsimasut ambulancenikt aaneqartariaqarsimallutik.

Ikiaroornartuerniat piffissami kingullermi ilungersortitaapput. Sapaatit akunnerata siuliata siuliani hashi annertooq aningaasarpassuillu arsaarinnissutigineqarput, sapaatit akunneratalu siuliani hashi katillugu 100 grammi arsaarinnissutigineqarsimalluni. Hashi arsaarinnissutigineqartoq 50.000 kr.-it missaanik naleqarpoq.

Aamma atuaruk

Atassut: Naalakkersuisooqatigiit akileraarutinik oqilisaassinerat qineqqusaarutaavoq

Politiit ullormut nalunaarusiaat: Tillinniartoqarlunilu tillinniariaraluartoqarpoq

Politikki

Tabithe Sværd: Sikkilikka innaallagiatortut atorsinnaannginnakkit uggornarpoq