Hasheerniaq unatarujussuarneqarpoq pisorlu assilineqarluni

Oqarasuaat angallattagaq mobili atorlugu assilisamik videoliaq inuusuttut akornanni maanna ingerlaartinneqarpoq, tassani takuneqarsinnaalluni Sisimiuni hasheerniaq unatarterujussuartoq. Aviisi Sermitsiaq nittartakkamini taama allappoq.
juulip 27-at 2007 06:21

Sisimiuni angutip hasheerniat qatsussimavai namminerlu politiiusaarluni.

Angutip Sisimiuni hasheerniartartut ilisimaneqartut ilaat uukapaatillugu illoqarfiup avataanukaqqusimavaa, tassanilu ima unatartigisimallugu, hasheerniaq annilaangangaarami anniangaaramilu naggataatigut angoorsimalluni.

Pisoq amiilaarnartoq angummit allamit mobilikkut immiunneqarsimavoq, MMS-ilu taanna Nunarput tamakkerlugu ingerlaartinneqaqattaarpoq, aamma ukiukitsut akornanni.

Politiit suliaq ilungersunartutut isigaat.

Unataasut tamarmik ukiup aappaa avillugu isertitsivimmiittussatut pineqaatissinneqarput, unatartittorlu 25 kilomik hasheerniarsimanini pissutigalugu ukiuni sisamani pinerluuteqarsimasunut isertitsivimmiittussanngortinneqarluni, Sermitsiaq ullumikkut saqqummerpat tamanna atuarneqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq