Hash imigassarlu oqallisigilerpaat
Atornerluinerup ilaqutariinnut sunniuteqapiluttarnera oqallisigineqartut ilagissavaat Kommuneqarfik Sermersuumi kommunalbestyrelse immikkut sammisaqarnissamini imigassaq aanngajaarniutillu sammilerpagit. Tamanna pissaaq pingasunngorneq februarip aappaanni.
Kommunep immikkoortoqarfii peqqinnissami pitsaaliuinermullu kiisalu ilaqutariinnut meeqqanullu immikkortoqarfik saqqummiissapput taamatuttaaq politiit namminersorlutillu oqartussat aamma saqqummiussaqarumaarlutik.
- Saqqummiinerit saniatigut kommunalbestyrelsemi ilaasortat sammisamut tunngasunik qulequttanik assigiinngitsunik oqallisigisaqassapput. Qulequttat ilaatigut ukuupput: ”pinaveersaartitsineq isumaginninnikkullu kingunerit”, ”aanngajaarniutinik atornerlunermut katsorsaanermut aningaasaliissutit” aamma ”illoqarfimmi periarfissat orniginartut”, taama Kommuneqarfik Sermersooq nittartakkamini allappoq.
