Hash atugaaneruleriartorpoq
Hashimik atuineq tuniniaasarnerlu ukiuni kingullerni annertuneruleriartorsimavoq.
Inuusuttut ornittagaannaaniunngitsoq aammali katsorsartittarfinni malunniuteqaleriartorpoq.
Politiit kisitisaataasa takutippaat ukiuni kingullerni arlaqalersuni nunatsinnut hash-mik eqqusseriartarnerni arsaarinnissutaasartut amerlaneruleriartortut.
Siorna 2004-mi ikiaroornartoq hashi politiinit arsaarinnissutigineqarsimavoq 68 kilo. Kisitsisit taakku 2003-mut sanilliutissagaanni kiilorpaalunnik amerlanerupput, tassa 2003-mi hashi eqquteriarneqarsimasoq 62,7 kiiluummat.
Ikiaroornartoq hash-i arsaarinnissutigineqartartoq ukiunut kingullernut arlaqartunut sanilliutissagaanni eqquteriarneqartut ikinnerit arsaarinnissutigineqartarput, soorlu 2002-mi hashi arsaarinnissutigineqarsimasoq tassaammat 36,6 kilo.
Ukiuni kingullerni marlunni ikiaroornartoq hash-i arsaarinnissutaasartoq marloriaatingajammik qaffariarsimavoq.