Harry Potterimik atuakkiortoq akissarsitinneqarpoq
Atuakkap Harry Potterimik inuttaaffigineqartup atuakkiortua, J.K. Rowling ullumi Odensemut tikissaaq, H.C. Andersenip atuagassiaqarnermut akissarsissutigitittagaa tigujartorlugu.
Allattoq Apollo Jeremiassen
Harry Potterimik atuakkiat, nunani 65-ini maannamut 400 millioninngorlugit tunisaareerput.
1997-imi atuakkap siulliup saqqummersinneqarnerata kinguninngua, atuagaq angakkuakkat silarsuaannut tunngasoq, meeqqanit inuusuttuaqqanillu nuannarineqartorujussuanngorpoq. Maannamut atuakkat Harry Potterimut tunngasut arfineq-marluk saqqummersinneqareerput.
Amerikamiup Oprah Winfreyip aliikkutassiaani apersorneqarluni, atuakkiortoq, J.K. Rowling oqarpoq, immaqa atuakkat arfineq-pingajussaat saqqummersikkumaarlugu.
Maannamulli atuartartut naammagiinnartariaqarpaat, atuakkiortup akissarsitinneqarnera.