Harry Potter pillugu atukkiaq saqqumminngitsorluunniit tunisaanerpaanngoreerpoq

Nukappiaraq iliarsuk angakkuartartutut ilinniartoq, Harry Potter, pillugu atuakkiaq, ukiup affaa aatsaat qaangiuppat saqqummersussaq, nunarsuarmi atuakkani tunisaanerpaanngoreerpoq.

Harry Potterimik atuakkiat nangeqattaartut tulliat juulip 21-ani saqqummersussaq ippassarli tunisaalerpoq. ”Harry Potter and the Deathly Hallows” pilerngutiinnavinneqarpoq, allaat atuagaarniat ilimagalugu nunarsuarmi atuakkat tunisaanerpaartarilissagaat.

J.K. Rowlingip Potter pillugu atuakkiaasa arfineq-aappassaralugu kingullersaat, tusatsiakkat malillugit alianartumik naaneqartussaavoq. Atuakkamimi inuttaasut pingaarnersat ilaat marluk toqusussaanerarneqarput, Harry Potter toqusup aappaassasoq eqqoriarneqarluni. Potteri toqussappat atuakkerituut aliasungaarnissaat ilimagineqalereerpoq. Allaammi Tuluit Nunaanni atuagaarniarfippassuaatilik Waterstone Potterimik nuannarinnittut, oqarasuaatikkut aliasunnerminni saaffiginniffissaannik pilersitsiniarluni eqqarsaatigaa.

Tuluttut atuakkiaq pilerngunneqalereeqisoq aamma nunatsinni atuakkanik atorniartarfinnit inniminnerneqareersoq Radioavisimit paasivarput.

Atuakkap qallunaatut nutsernera qaammatialunnik kingulliulluni aamma saqqummerumaarput.

Harry Potter pillugu atuakkiat oqaatsinut 64-inut nutserneqarsimapput 325 millioninngorlugillu tunisaasimallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat