Harry Potter kingulleq

Harry Potteri pillugu atuakkianik nuannarinnittut juulip ulluisa 21-at ullorsiutiminni nalunaaqqutsereersinnaavaat. Nukappiararmi taanna pillugu atuakkiat kingullersaat ullormi tassanngaanniit nioqqutaalissaaq.

J.K. Rowlingip Potter pillugu atuakkiaasa pisiariortorluagaaqisut arfineq-aappassaat kingullerlu saqqummerpat, angutip angakkuartartup ilinniartuata qanoq pinera Potterimik nuannarinnittut kiisami paasissavaat.

Saqqummersussaq ateqarpoq "Harry Potter and the Deathly Hallows", ilimagineqarporlu atuagaq pilerngunneqassaqisoq.

Atuakkap qaqugu saqqummernissaanik tusarliussivoq naqiterisitsisarfik Bloomsbury Publishing.

J.K.Rowlingip atuakkiaani kingullermi Harry Potter toqutinneqassanersoq eqqarsaatersuutigineqartarpoq, atuakkamili ilumut taama pisoqassanersoq soorunami paasissutissiissutigineqanngilaq.

Rowlingili siorna oqarpoq, inuttaatinneqartut ikinnerpaamik marluk atuakkiamini kingullermi toqutinneqassasut, atuakkiortartullu allat paasisinnaanerarpai atuakkiaminni inuttarititartik naggataagut toqutikkusuttarmassuk.