Harper Nuummukassanngilaq

Canadami ministeriuneq qinigaarlaaq, Stephen Harper, Issittumi Siunnersuisoqatigiit Nuummi aqagu ataatsimiinnissaanut tikissanngilaq. Taassuma peqataanissaa Canadami issittoq pillugu ilisimatuut kaammattuutigisimagaluarpaat, tassa naalagaaffiup nunanut allanut ministeria qinersinermut atatillugu tunuarnikuummat, Canadalu naalakkersuinermik sulialimmik malunnaatilimmik Nuummi ataatsimeersuarnissami taamaalilluni amigaateqartussanngorpoq.
Allattoq Gedion Storch
maajip 11-at 2011 10:16

Kisiannili tassa Harper naalakkersuisunngortitsiniarluni ulapputeqarpoq. Taamaattorli Peqqinnissamut ministeri qinigaaqqittoq, Leona Aglukkaq, Nuummut ullumi sisamanngorpalluunniit tikissaaq.

Leona Aglukkaq-p toqqarneqarnera nunanut allanut politikkimut ilisimasaqarneranik pissuteqanngilaq. Kisianni tassa nunap inoqqaavini siullersaalluni Canadami naalakkersuini ministeriuvoq, tamaattumillu issittumi inuunermut ilisimaqarluinnarluni.

- Issittumi nunanut allanut ministerinik issiaqateqaleruni imaassinnaavoq angerlarsimasutut misigisimanngitsoq, issittoq pillugu ilisimatooq, Michael Byers oqarpoq, taanna ippassaq oqarpoq Stephen Harper Nuummukartariaqarsimagaluartoq.

- Allatulli ajornarpat, Aglukkaq-mik toqqaaneq naleqquttorujussuuvoq, tassami taanna Canadami nunap inoqqaavisa naalakkersuinermik suliallit qullasinnerpaartaatut inissisimavoq, Byers CBC News-mut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq