Harper ICC-p ataatsimeersuarneranut illersuisuussaaq
Issittormiut - ilaatigut Siberiameersut Nunatsinneersullu -600-t ataatsimeersuarnermut peqataanissaat ilimagineqarpoq, Canadallu avannarpasissortaani kuussuup Mackenziep eqqaani illoqarfimmi Inuvimmi pissaaq.
Ataatsimeersuarnermi, juulip 20-ianit 24-inut pisussami, qulequtarineqartussaq tassavoq Ukiuqtaqtumi hivuniptingnun - Issittoq ataasiuisoq, Siunissaq ataasiusoq.
Duane Ningaqsiq Smith, ICC Canadap presidentia, tusagassiorfinnut oqarpoq premierministerip ICC-p ataatsimiinneranut illersuisuuniarluni akuersisimanerani oqaluttuarisaanermut pingaaruteqartoq. Issittup nunarsuarmioqatigiinnut qanoq pingaaruteqaleriartortigineranut takussutissaavoq, Duane Smith oqarpoq.
Ataatsimeersuarnermi ilaatigut siulittaasumik nutaamik, Aqqaluk Lyngep nunatsinneersup taartissaanik toqqaasoqassaaq.