Harald Bianco tipsernermit lottornermillu aningaasat pillugit apeqquteqarpoq
Aningaasanut agguaassassanut qinnuteqartartunut immikkoortitikkat assigiinngitsuupput. Isiginnaartitsisartik immikkoortitanut C-nut, tamanut iluaqutaasussanut siunertanut atugassiaasunut qinnuteqartussaavoq. Biancop paaserusuppaa Nunatta Isiginnaartitsisarfiata immikkoortitanit taakkunannga, 7,2 mio. koruuninik aningaasartaqartumit, 3 mio. kr.-inik tunineqarnissaanik neriorsorneqarneranik tusatsiakkat ilumoornersut.
Harald Biancop aamma paaserusuppaa Nunatta Isiginnaatitsisarfia immikkoortitat taakku 40%-iinik neriorsorneqarsimappat tamanna Nunatsinni kulturikkut suliniarnernut allanut qanoq sunniuteqassanersoq.
-Tamattali nalunngilarput aningaasaliissutit C-init qinnutigineqartartut peqatigiiffiit inuppaallu assigiinngitsut amerlasuut iluaqutigisaraat. Taamaammat taakku siunissami suliniutiminnut ajornarnerusumik aningaasannanniartalissasut avaqqunneqarsinnaassanngilaq, Harald Bianco naalakkersuisumut Nick Nielsen apeqqutiminut taama tunngavilersuuteqarpoq.