Hansip Qeqertaa pillugu saqitsaannermi Danmark pisortatigoortumik naammagittaalliorpoq

Danmark maanna pisortatigoortumik canadamut naammagittaalliorpoq. Canadamiut illersornissamut ministeriata Bill Grahamip nalunaaruteqaqqaarani Nunatta avannaani Hansip qeqertaanut tikeraarsimanera pillugu.

Peter Taksøe-Jensen danskit nunanut allanut ministereqarfiani inatsisilerituut pirsortaat naammagittaalliuummik nassiussilluni nalunaaruteqarpoq.

- Canadamiut illersornissamut ministeriata Danmarkimut nalunaaruteqaqqaarani Hansip Qeqertaanut tikeraarsimanera ajuusaarutigaarput qeqertallu Kalaallit Nunaannut atasuunera ilisimatitsissutigissavarput inassutigalugulu tamanut iluarineqarsinnaasumik aaqqissuteqartoqarnissaa, Peter Taksøe-Jensen nutaarsiassaqartitsivimmut Ritzau-mut nalunaarpoq.

Canadap Danmarkillu ukiorpaalunni Kennedyp Ikerasaaniittoq qeqertaq pilernnguppaat. Canadamiullu isumaqarput ministerimik qeqertamut tikeraanerata kingorna nukittunerulerlutik.

Canadamiut naalakkersuisuisa Bill Grahamip Hansip Qeqertaanut tikeraarnissaa siumoorlugu danskit naalakkersuisuinut nalunaarutigisimanngilaat. Aatsaalli ullut marluk qaangiutereersut danskit Canadami aallartitaqarfiat ilisimatinneqarsimavoq.

Tikeraarnissaq sapaatip akunneranik ataatsimik sioqqullugu canadamiut sakkutuui qeqertamut erfalasuleriartuutaa inussulioriartorsimapput canadamiut oqartussaanerannik takussutissiiartorlutik.

Dansk Folkepartip ministeriuneq Anders Fogh Rasmussen canadamiut premierministeriannut Paul Martinimut saaffiginneqquaat pilernngunneq aaqqinneqarniassammat.

Illersornissamut ministerip Bill Grahamip tikeraannginnermini nalusimanngilaa pilernguttoqartoq.

- Taamarsuaq qisuariartoqarnissaa ilimagisimanngilara, oqarpoq.

Ministeri isumaqartuarsimavoq qeqertaq canadamiut pigigaat.

Nunarsuup kissakkiartornerata kingunerisaanik qeqertaq pingaaruteqaleriartuinnassasoq ilimagineqarpoq. Sikup aajaarnerusarnerata kingunerisaanik taavani umiarsuarmik angalasarnissaq pilersaarutaammat. Canadamiut uuliaasioqatigiiffissuisa pilersaarutigaat taavani uuliamik ujaasinissartik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat