– Nuannaarpunga KNR-imi pisortassaq nalunaarutigisinnaalerakku. KNR-imi piffissami
matumani inuiaqatigiinnut kalaallinut nutaarsiassanik allatigullu tusagassiisarneq
ilungersunartorsiorfiuvoq. Taamaattoqarneranilu pisariaqavippoq pisortamik
angusaqarluarusuttumik patajaatsumillu siuttoqarnissarput. KNR-ip pisortassaatut
toqqagarput Hans Peter Poulsen qullersanngornissaminut piareersimavoq, apriililu naappat
KNR-imi pisortap allaffianut isertersinnaassalluni, KNR-imi siulersuisut siulittaasuat Nukaaraq
Eugenius ilisimatitsivoq, nangillunilu:

– KNR-imi ingerlanitta patajaallisaqqinneqarnissaa inuiaqatigiit kalaallit pisariaqartippaat,
aammalu malugaarput Naalakkersuisunngortut ingerlalluaqqilernissatsinnut
ikorfartuinissaminnut piareersimasut. Neriulluarpugut Hans Peter Poulsen pisortatut
aquttoralutigu "imaq sikorasaaraluartoq" sukkatsisimaarluta ingerlaqqilersinnaassalluta.

Hans Peter Poulsen Ilisimatusarfimmit aqutsinermut kandidatitut ilinniarsimasuuvoq
suliffeqarfinnilu assigiinngitsuni aqutsineq misilittagaqarfigalugu, kiisalu ukiuni kingullerni
qinikkatut sulinermini Ineqarnermut Attaveqaasersuutinullu Naalakkersuisuusimalluni.