Lars-Emil: Hans-Pavia qiimasutut eqqaamajuassavara
Hans-Pavia Rosing 70-inik ukioqarluni toqukkut qimaguppoq. Taamaasilluni nunatsinni politikkikkut sunniuteqarnerpaasa ilaat akornatsinniikkunnaarluni.
AAMMA ATUARUK Hans-Paviap naggueqatigiit inuit illersorneqalernissaat sulissutigisimaqaa
Politikkikkullu suliaqartarnerinnanni kisiat eqqamaneqassutiginngilaa.
Hans-Pavia politikeriugallarami inuk peqatikkuminartuuvoq aamma inuttut pissusaa taamaakkami, inussiarnersuugami. Politikkeritulli allatulli pissuseqanngilaq soorlu parteeqatini kisiisa oqaluunneq ajorpai aamma partiinik aporfeqarnani politikkikkut sulisuuvoq, Lars-Emil Johansen oqarpoq.
Hans-Pavia Rosing politikkikkut suliaqarnermini siuarsimasorujussuusoq Lars-Emil Johansen isuamqarpoq.
- Immaqa oqarsinnaavunga politikeritut mutitut pissuseqarpoq. Suleqatissarsiullaqqissoq, ikinnguteqallaqqittoq aammalu angusassaminik pingaartitsisartoq.
AAMMA ATUARUK Hans-Pavia Rosing toquvoq
Hans-Pavia Rosing Inuit Issittormiut Siunnersuisoqatigiiffianni siulittaasuusimavoq, Siumut sinnerlugu folketingimi ukiuni 14-ini ilaasortaasimalluni Inatsisartuni Naalakkersuisunilu aamma ilaasortaanikuulluni.
Lars-Emil Johansenilli ikinngutinnersutut qiimasutullu eqqaamajuassanerarpaa.
- Hans-Pavia peqatigalugu nikallungaffiunngilaq. Quianartunik,erinarsornermik, inuunermik, nuannaarnermik nuannarisaqarpoq. Taamaattumik Hans-Pavia inuuvoq tamatigut pitsaasumik eqqaamasassaq ataqqinartumik kisianni aamma nuannersumik. Aamma qiimanartumik eqqaamasassavara tamatuma kingorna.