Hans Jukku utilerpoq
Taamatut tusagaqarneq nuanningaarmat allaat imatut oqarusunnarsivoq: ”Ladies and Gentlemen”, taavalu saagut illuartillugit. Taamatut oqarpoq KNR-ip unnukkut aallakaatittagaani TAMASSA-mi aaqqissuisoq Heidi Møller.
Heidi Møllerip isertuutinngilaa Hans Jukku Noasenip uteqqilernerata aallakaatitassiortanermut tassunga tapertaalluarnissaa. Ukiup kingulliup ingerlanerani unammilligassat arlaqarsimapput, soorlu suliffimmi oqoqarneq aammalu nutsertariaqarsimanerit.
Februaarip 1-at aallarnerfigalugu Hans Jukku TAMASSA-mi aaqqissuisartunut ilannguteqqissaaq. Sulinermik ilinniartumik aammattaaq TAMASSA-miittoqalissaaq. ArnànguaK Lyberth TAMASSA-mi Hans Jukku suleqatigalugu ingerlaqqissaaq. TAMASSA Juni 2014 tikillugu ingerlassaaq.
- Aaqqissueriaasitta nukittorsarneqarnissaa qilanaaraara aammalumi imarisaasut annertusaaffigineqarnissaat qilanaaralugu. Aammattaaq isiginaartartut sinnerlugit maani TAMASSA-mi qilanaarpugut, TAMASSA-mi aaqqissuisoq, Heidi Møller, nuannaarluni oqarpoq.