Hans Hedtoftip eqqaassutissaa uleerneqarpoq

Umiarsuuup Hans Hedtoftip eqqaassutissaa Københavnimi ullumi uleerneqarmat, ajunaartunut qanigisaasut politikerillu 500-t missaaniittut najuupput.

Ajunaartunut qanigisaasut sinnerlugit Kirsten Sietam Nunatta sinniisoqarfianni, oqalugiaateqarnermini attortinnaqisumi ilaatigut oqaatigaa maanna kiisami ukiut 46-it qaangiuttullu eqqissisinnaanngorlutik.

Ilivernik imaluunniit eqqaassutissamik amigaateqartarsimanerarput, maannalu ukiut 46-it qaangiuttullu eqqaassutissamik uleersineq Kirsten

Sietamip toqqissiallannartutut tuppallernartutullu misigalugu oqaatigaa.

Uleersineq Dronning Margrethep peqataaffigaa. Nunatsinni Naalakkersuisut siulittaasuat, Hans Enoksen, siulittaasullu tullia Josef Motzfeldt, Tuusi, naalakkersuisorlu Jens Napaattooq aamma peqataapput.

Eqqaassutissaq nunatta marmorianik sanaajusoq ajunaartut 95-it atiinik allattuiffigineqarsimasoq, Nunaatta sinniisoqarfiata illorsuartaani avammut sammisumi nivingavoq.

Umiarsuup Hans Hedtoftip ajunaarnerani inuit 95-it ajunaarput, taakkununnga ilaallutik Folketingimi landsrådimilu ilaasortaq Augo Lynge, kiisalu kalaallit nunanni piniartut aalisartullu kattuffiannik pilersitseqataasoq Carl Egede.