Hans Enoksenip ukiortaami oqalugiaataa inunnit assigiinngitsumik isumaqarfigineqarpoq
Naalakkersuisut siulittaasuata, Hans Enoksenip ukiortaami oqalugiaammini Aasiami ajunaarnersuaq oqaaseqarfiginngimmagu ilaasa soqutigittaannerarpaat, ilaasali aamma utikaajaarinerarpaat:
- Aasiami ajunaarnersuaq ataatsimilluunniit eqqaaneqanngimmat isornartorsiorsinnaavakka, taakku taakku utikaajaarneqartarmata. Inuusuttuaqqat meeqqallu ullutsinni tusartuartaakkavut aamma uterlugit tusaqqippavut.
Siulittaasutut sulinera naammaannartutut aamma isumaqarfigaara.
Siulittaasup oqalugiaataa aperisatta ilaata iluarisimaarpaa, oqarluni sorpassuit eqqartorai pingaartumik meeqqanut sumiginnakkanut tunngatillugu oqaaseqarnera iluarisimaarlugu, sumiginnakkanilli sullissinikkut aningaasanik amerlanerusunik pisariaqartitsisoqarnerarlugu.
- Nunaqarfimmiuugaluarluni siulittaasutut sullarippoq, aperisatta ilaat taama oqarpoq.
Ataatsip ingasagaa soqutigittaannerarlugulu, Aasiami ajunaarnersuaq ataatsimilluunniit eqqaanngimmagu. Taamaattorli naalakkersuisut siulittaasuatut ingerlatsinera malinnaaffiginnginnamiuk oqaaseqarfigisinnaannginnerarlugu.
