Hans Enoksenip qallunaat aningaasaleeqataanissaat kissaatigaa
Isumaginninnermi ilinniartitaanerup pitsanngorsarneqarnissaannut qallunaat ikiuukkumagunik perorsaanermik ilinniarfiup allinissaanut aningaasaleeqataanissaat, naalakkersuisut siulittaasuata Hans Enoksenip kissaatigaa.
Allattoq Oline I. Olsen
januaarip 16-at 2008 12:18
-Qallunaat naalakkersuisuisui isumaginninnerup pitsanngorsarneqarnissaannut ikiuukkumallutik inuiaqatigiinnut nalunaaruteqarnikuupput, uanilu piumaffigaakka ikiuunniarunik perorsaanermut ilinniarfiup Ilulissaniitup allinissaannut aningaasaleeqataaqqullugit, kisiannili aamma soorunami ersarissarneqarpoq namminersornerullutik oqartussat pisussaaffiata iluaniimmat toqqaannartumik taamaalisoqarsinnaannginnera, kisiannilu ersarissarpara ikiuukkumallutik neriorsuereerput taamaammat aningaasaliinissaannut assorujussuaq kaammattorpakka uagut ingerlatsinermut tunngasut pisussaaffigigatsigit aaqqissuuteqqinneqarnissaat, Naalakkersuisut siulittaasuat Hans Enoksen oqarpoq.
