Hans Enoksenip isumaa allanngorpoq
Naalakkersuisut siulittaasuata Hans Enoksenip qularinngilaa assortornagulu FN-mut eqqunngitsunik Danmarkip nalunaartarsimanera nunatsinnit Namminersorneq pillugu kommissionimi eqqartorneqarnissaa kissaatigineqassasoq.
Namminersorneq pillugu ataatsimiititaliap siulittaasuata tulliata Christian Majdahlip eqqartorneqassanngitsoq piumasarereermagu kiisalu Kalaallit Nunaanni politikerit iluminni assortuutikkumagit Hans Enoksenip Statsministerimut qulakkeerniarpaa, Danskit eqqunngitsumik paasissutissiisarsimanerat kommissionimi eqqartugassanut ilanngunneqassasoq.
Naalakkersuisut siulittaasuata Decembarip 15-niani tusagassiuutitigut nalunarusiaani illerlugu oqarpoq malunnarsereersimasoq qallunaat sinniisaasa suliassaq tigorusunngikkaat, taamaammallu namminersorneq pillugu isumalioqatigiissitamut pullanneqassanngitsoq, kalaallit iluminni assortuutitikkumanagit, qulakkeerusukkini Statsministerimut isumaqatigiissutigerusukkini.
Suliassaq pingaaruteqaqimmat sulinermilu aseruutaassanngippat Statsministerilu isumaqatigiissuteqarnissaq pisariaqarnerarpaa.
Naalakkersuisut siulittaasuat Hans Enoksen oqarpoq. Hans Enoksenip Statsministeri Anders Fogh Rasmussen januaarip 14-niani ataatsimeeqatigissavaa. Radioaviisimit Statministeri oqaaseqartinniaraluaratsigu sulinngiffeqarmat oqaaseqartissinnaanngilarput.
