Danmarkip nunanut allanut ministeriaqarfiata Savalimmiut pillugit kukkusumik paasissutissiisarsimanerarlugu, Savalimmiut naalakkersuisunut siulittaasuata Joannes Eidesgaardip, ippassaq nalunaarutigaa Savalimmiuni naalakkersuisut Savalimmiut pillugit avammut paasissutissiisarnerit nammineq ingerlattalerniarlugit. Naalakkersuisut siulittaasuat Hans Enoksenip ilisimaaraa nunarput pillugu kukkusumik aamma paasissutissiisoqartarsimasoq, nunattalu Danmarkillu akornanni pissutsit maanna tatigeqatigiinnermik tunuliaqutaqarnerarlugit, Hans Enoksenip neriuutigaa nunarput Danmarkilu pisimasut pillugit ilikkagaqarsimassasut:- Pereersimasut annertuumik ilinniarfigaagut, aamma qularinngiivippara danskit naalakkersuisuisa ilinniarfigigaat. Neriorsuutigereerpaammi suleqatigiinnerit siunissami sapinngisamik pitsaanerpaamik ingerlanneqassasut, Hans Enoksen oqarpoq.
Naalakkersuisut siulittaasuat Hans Enoksenip ministeriuneq Anders Fogh Rasmussen marsip qeqqata missaani ataatsimeeqatigissavaa, tassanilu qularnaarniartussaavaat eqqortumik nalunaartarnerup naqissuserneqarnissaa piumasarissallugu.
