Hans Enoksen: Siumumit angusarissaarnissarput pingaarluinnarpoq

- Pingaaruteqartorujussuuvoq isertitaqarluarnissarput, tassami namminersulernissarput eqqarsaatigalugu nunaqarfimmiortavut allannguiniarnermi namminneq ilusilersueqataassapput, qinersineq isumalluarfigaarput, Hans Enoksen oqarpoq.

Nunaqarfinni aqutsisussanut ullumi qinersineq inatsisartunut aasaru juunip ulluisa aappaanni qinersinissap inernissaanut aamma tikkuussisuulluarsinnaasoraa.

- Nunaqarfinni innuttaasut amerlanersaat Siumumut qinersisartuupput, taamaammat ilimagaarput nunaqarfinni kingumut amerlanerussuteqassalluta. Minnerunngitsumik aamma eqqarsaatigalugu partiitsinni nunaqarfinnut tunngatillugu politikkimik nutarterinissarput tullinnguuttoq, Siumut partiiani siulittaasoq Hans Enoksen oqarpoq.

Siumut nunaqarfinni aqutsisussanik qinersinermut atatillugu Nuummi katersortarfimmi, tamanut ammasumik unnussiuaartitsipput.