Hans Enoksen Siumumi ilaasortaajunnaarpoq

Hans Enoksenip Siumumi ilaasortaajunnaarnissani ullaaq manna aalajangiuppaa.

Taama aalajangernerminut pissutaasunut ilaatippaa, qinersinerup kingorna Siumup iluani aaqqiangiinnginnerit annertusisimaneri aamma ullaaq radioaviisimi eqqaasatsitut, Naalakkersuisunut ilaasortat immikkut siunnersorteqarsinnaalernerisa kinguneranik, Naalakkersuit siulittaasuata, Aleqa Hammondip aappaata, Tom Ostermannip siulerpaatut atorfinitsinneqarnera pissuserissaanngitsutut isigalugu oqaatigalugu.

- Aamma aalisartut ilaatigut kinaassuseerullugit, pisassaannik piaaffigalugit aningaasatigullu innarlerujussuarlugit Siumumit pineqarput, tamannalu peqataaffigisinnaannginnakku Siumumi ilaasortaajunnaarnissara ullaaq manna aalajangiuppara, Hans Enoksen radioaviisimut taama oqarpoq.

Hans Enoksenip isertuutinngilaa, kisimiilluni politikkikkut anguniagassat artornarsinnaammata, radioaviisimulli oqaatigaa, ilimagineqarsinnaasoq Inatsisartuni illuatungiliuttut ilaannut ilaasortanngorsinnaanissani imaluunniit immikkut allamik partiiliornissani eqqarsaatersuutigalugu radioaviismut oqaatigaa.

Hans Enoksenip tunuarnera pillugu annertunerusumik ulloqeqqanut radioaviisimi tusarliussaqarumaarpugut.