Hans Enoksen siulittaasutut qinigassanngorteqqinniarpoq

Siumumi siulittaasussamik februaarimi qinerseqqittoqalerpat, Hans Enoksen qinigassanngorteqqinniarpoq, qinigassanngorteqqinniarnerminullu pissutaatippaa parteeqatiminit kajumissaarluarneqarsimanini.

- Ileqqoraara avatangiisikka qanoq isumaqarnersut paasiniassallugu, taamaammallu parteeqatinnit inuinnarnillu kaammattorneqarama Siumumi siulittaasutut qinigassanngorteqqippunga. Inuiaqatigiinni ineriartorneq aammalu inuit nammineersinnaassusaat illersorniarlugu qinigassanngorteqqippunga, Siumup siulittaasua Hans Enoksen oqarpoq.

Hans Enoksen 2001-mi Siumumi siulittaasutut qinerneqaqqaarnermi kingorna ukioq ataasiinnaq qaangiuttoq, Jonathan Motzfeldt-mit Lars-Emil Johansen-millu uppiseriarneqaraluarpoq, arlaleriarlunilu apeqquserneqartarluni. Tamannali uniffiginianngilaa.

Uppiseriarneqartarnikuuvunga tamannali uniffiginavianngilara. Kaammattorneqarpunga, siulittaasutullu qinigassanngortillunga. Taamak oqarpoq Siumumi siulittaasoq Hans Enoksen.

Siumumi siulittaasussamik qinersinissap qanilliivinnissaata tungaanut qinigassanngortikkusuttut nalunaarsinnaapput, ulloq mannalu tikillugu Hans Enoksen suli unammillerneqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat