Hans Enoksen siulittaasunngoqqippoq

Hans Enoksen Siumup siulittaasuattut qinigaaqqippoq, ataatsimeersuaqataasunimmi 52-nit akornaniillutik nunaqarfiummiut 40-t, unammillertai ajorsarteqalugit siulittaasussatut taavaat. Hans Enoksenip taamak amerlatigisunik taaguunneqarnerujussuani nukittuallaatigisimanerarpaa.

Siulittaasup tulliatut aamma ajugaangaatsiarluni taaneqarpoq Jens Napãtôk. Unammillertaa Lars-Emil Johansenip iluamilluunniit paasisinnaanngilaa ajorsarnini imaluunniit taasisut ikippallaaqimmata.

Siulittaasup tulliatut aapaatut unammillerteqarani Doris Jakobsen inissippoq, aningaaserisuuninngorporlu Per Rosing Petersen. Siulersuisuunernut ilaasortanngorput Inger Eriksen, Karl Tobiassen, Mikael Petersen, Ruth Heilmann, Tommy Marø, Jonathan Motzfeldt, Karen Banke Petersen Jens Lars Fleischerilu. Ataatsimeersuarfiusumi nuannattoqarlunilu pakatsisimasoqarpoq. Siumup tulliani ataatsimeersualerpat Siumut peqatigiiffiini ilaasortaqqortussuseq aallaavigalugu taasisussanik aallartitaqartarnissaq aalajangiunneqarpoq, allartitaasartussalli amerlanerpaamik pingasuusassasut aalajangiunneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat