Hans Enoksen: Silaannaq pillugu paasisani annilaarutigai

Naalakkersuisut sulittaasuata ulluni kingullerni paasisani annilaarutigeqai, isumaqarporli nunatsinni mingutsitsinnginnerulernissaq anguniarlugu suliniuteqartoqartoq:

- Paasisakka assut annilaarutigaakka, pingaartumik nunarput aamma inoqartuartussaammat, kinguaassatta atugassaasa ilaatigut oqimaatsunngoriataarsinnaaneri assut ernumanarput, Hans Enoksen oqarpoq, nangipporlu:

-Isumaqarpunga uagut kalaallit iliuuseqalereersugut, pingaartumik nukissiuutit eqqarsaatigalugit, taakkuummatami annertunerpaamik silarsuarmi ajornartorsiutaasut. Tassa erngup nukinganik nukissiorneq annertusarusupparput taassumalu saniatigut uuliamik kiassarnerup sapinngisamik annikinnerpaamik atugaalernissaa taanna isumaqarpunga pimoorullugu nunatsinni suleqataaffigisariaqaleripput aamma erngup nukinga naammattoq pigaarput minguttitsinngitsumik nukissiorsinnaanerput aningaasaatitta taamaallaat killileqqavaa kisianni imminut akilersinnaavoq akilertariaqarpagullu taamatut nukissiuteqalernissarput inuiannut uagutsinnut minnerunngitsumillu aamma silarsuarmioqatittinnut akisussaaqataagatta takutitsisariaqarpugut allallu qanoq iliornissaat utaqqeqqaanngikkaluarlugu.

Pinngortitap allanngoriartorneranut ilisimatuussutsikkut saqqummiussukkat inuusaatsimut sunniuteqassaqisut paasillugu Hans Enoksenip aamma oqaatigaa.