Hans Enoksen: Nunarput qimaasoqarfiunissaminut piareersimanngilaq

Ny Alliancemi siulittaassoq Naser Khader Kalaallit Nunaata qimaasunik nunassiffigineqarsinnaanera piukkukkaluaraa, nunatsinni naalakkersuisut siulittaasuannit Hans Enoksenimit isumaqatigineqanngilaq.
novembarip 28-at 2007 11:39

- Nunatta qimaasunik orninneqarsinnaanera, naalakkersuisuni oqaluuserinngisaannarparput. Aamma, nunatsinnut qimaasunik eqqussuinissatsinnut periarfissat killeqartorujussuupput. Taamaammat Naser Khaderip oqaaserisimasaa imaaliallaarnarlugu akuerisinnaangikkallarparput, Hans Enoksen oqarpoq.

Hans Enoksenip ilanngullugu oqaatigaa nunatsinni ajornartorsiutivut salliutillugit sulissutigissagivut. Soorlu suliffissaaleqineq inissaaleqinerlu qaangeqqaarlugit nunatta avataaniit qimaasunik aatsaat eqquissuilersinnaasugut.