Hans Enoksen: - Nunaqarfimmiuinnarnik taaneqarneq ajorpunga
Naalakkersuisut siulittaasuat Hans Enoksen, Siumut partiiata siulittaasuattut ippassaq unnukkut qinigaaqqippoq. Taamalilluni, Hans Enoksenip Naalakkersuisut siulittaasuattut atorfeqarnini attatiinarsinnaanngorpaa.
januaarip 24-at 2008 05:26
Hans Enoksen ajugaasutut suaarutigineqarmat peqataavugut.
Aperaarpullu qinigaaqqinnera sumik peqquteqarsinnaanersoq.
- Isumaqarpunga inunnut attaveqarneq, aammalu inuit kikkulluuniit oqaluunneqarsinnaasut oqaluunneqartarneri uannut nakuussutaasimasoq. Taamaalillunga unammillertinnut unammilleruminaassimavunga Hans Enoksen oqarpoq.
- Oqartoqartaraluarpoq nunaqarfimmiuunera, pillugu nunaqarfimmiuinnarnit qinerneqartartunga. Massakkut kikkut tamarmik naqissuserpaat taamatut oqartarneq ilumuunngilluinnartoq Hans Enoksen oqarpoq.
Hans Enoksen qinersisartut 53,6 %-iannit taaneqarpoq, qinersisimasut 1531-it akornganni.
Aleqa Hammond 42,3 % init qinerneqarpoq, Vittus Mikaelsen-ilu 4,1 %-init.
