Hans Enoksen: Naalakkersuisooqatigiit avissaartuutilinngillat
- Naalakkersuisooqatigiit avissaartuutilinngillat, naalakkersuisut siulittaasuat Hans Enoksen radioaviisimut ullaaq manna oqarpoq.
Inatsisartut aqagu ataatsimiilerpata kommunit 2009-mi maajip aallaqqaataani kattussuunneqarnissaannut naalakkersuisut siunnersuutaat taasissutigineqassaaq, Atassutikkullu siunnersuummut akerliuniarput.
Kommunit pinngitsaalisaassummik kattussuunneqarnissaannut Atassutikkut akerliupput.
Tamanna pillugu naalakkersuisuni ataqatigiissaarinermut ataatsimiititaliami ataatsimiigasuartoqarnissaa naalakkersuisut siulittaasuata Hans Enoksenip piumasaraa. Sermitsiaq naggat gl-imi ullaaq manna tamanna atuarneqarsinnaavoq.
Partiini siuttut ataatsimititaliami ilaasortaapput.
Naalakkersuisulli siulittaasuat radioaviisimut ullaaq manna allatut oqarpoq:
- Sermitsiamuna ataatsimiisinniaraatsigut. Ataatsimiittoqarnavianngilaq, aamma avissaartuutilinngilagut, naalakkersuisut siulittaasuat Hans Enoksen erseqqissaavoq.
Kommunit kattussuunneqarnissaannut naalakkersuisut siunnersuutaannut Atassutikkut akerliuniaannassappata, arsarnernik taallugu naalakkersuisooqatigiit avissaartuutilernissaat ilimagineqarpoq. Sermitsiaq nittartakkatigut allappoq.
Naalakkersuisooqatigiit ukiortaap kingorna ataannarnissaat aningaasaqarnermut, taamatullu naalakkersuisullu siulittaasuata tulliata Josef Motzfeldtip sapaatip akunnerata naanerani Itisiliinermut oqaraluarpoq.
