Hans Enoksen kommuninik ataatsimeeqateqassaaq

Naalakkersuisut siulittaasuat Hans Enoksen kommunini nutaani borgmesterinik sisamanik, KANUKOKA-milu siulersuisunik, meeqqat kaattut pillugit ullumi ataatsimeeqateqassaaq.
januaarip 27-at 2009 06:56

Ullumikkut ataatsimiinnissap saniatigut Hans Enoksen piffissami aggersumi ilaatigut aamma kattuffinnik ataatsimeeqateqassaaq:

- Meeqqat kaattut sullinneqarnerat pinngitsoqarata tamatta eqqumaffiginerusariaqarparput, taama oqaaseqarpoq Hans Enoksen, Perorsaasut Ilinniarsimasut Peqatigiiffianni, PIP-mi ulluinnarni aqutsisut ippassaq ataatsimeeqatigineranni.

Demokraatit siulittaasuata Jens B. Frederiksenip meeqqat kaattut pillugit naalakkersuinikkut iliuuserineqartut naammaginngilai. Partiip Inatsisartut immikkut ittumik ataatsimiinnissaat piumasarigaluarpaa, kisianni tamanna Inatsisartut Siulittaasoqarfianni amerlanerussuteqartut itigartippaat.

- UNICEF-ip Kalaallit Nunaanni meeqqat kaallutik innartarnerannut ajornartorsiummik isornartorsiuinera immikkorluinnaq pisoqarneratut nukinginnartuusimanngippat, taava qaqugu immikkut pisoqarneratut nalunaaruteqarsinnaassaagut, Jens B. Frederiksen aperivoq. Taassuma Inatsisartut immikkut ittumik ataatsimiinnissaat meeqqat piitsuunerisa akiorneqarnissaannut aallarnisaatissatut atorusukkaluarpaa.