Hans Enoksen: Kommunerujussuanngortussat akissarsiat sulinermilu atukkat pillugit akisussaaffimmik tunineqassanngillat

Kommunerujussuanngortussat sisamaasussat, sulinermi atukkat akissarsiallu pillugit sulisitsisutut isumaqatigiinniarnernut akisussaaffimmik tunineqassanngillat, taama oqarpoq Naalakkersuisut siulittaasuat Hans Enoksen, Kalaallit Nunaanni borgmesterit kommunaldirektørillu Nuummi ullaaq manna ataatsimiinnerat ammarlugu oqalugiarnermini.
oktobarip 25-at 2007 11:45

-Itigartitsivugut ernummatigigatsigu kommunini akissarsiat sulinermilu atukkat assigiinngippallaalernissaat, taamanna tunngavigalugu Naalakkersuisuni aalajangerpugut isumaqatigiinniarnernut akisussaaffik naalakkersuisuniiginnassasoq, Naalakkersuisut siulittaasuat Hans Enoksen oqarpoq.

Hans Enoksenili malitsiinnarlugu oqarpoq, Aningaasaqarnermut pisortaqarfiup kommunerujussuarni akissarsiat sulinermilu atukkat assigiinngissuteqalaartarsinnaanerat ammaffigereeraa.

Kalaallit Nunaanni kommunit kommunit kattussuunnissaannut suliat killiffii ullumi aqagulu nalilersuivigissavaat.

Naalakkersuisut sinnerlugit Hans Enoksenip saniatigut Naalakkersuisunut ilaasortat Aleqa Hammond aamma Finn Karlsen borgmesterit kommunaldirektørillu ataatsimiinneranni najuutissapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq