Hans Enoksen KNAPK-mit isornartorsiorneqarpoq

Aalisarnermut Piniarnermullu naalakkersuisutut Rasmus Frederiksen-ip tunuarnerata kingorna, Naalakkersuisut siulittaasuata Naalakkersuisoqarfik nammineq tigummagu, tamanna KNAPK-mit ernummatigineqarpoq. KNAPK-mi siulittaasup Peter Olsen-ip piniarnermut aalisarnermullu tunngasut tunulliunneqartalernissaat ernummatigaa, oqarluni,

Napãtûp naalakkersuisuuffia Hans Enoksenip aamma tigummigaa nalunngikkitsik, namminerlu aamma naalakkersuisut siulittaasuattut naammattunik suliassaqarluni, taamaattumik aalisarnermut piniarnermullu suliassat suullunniit kinguarsarneqarnissaat KNAPK-minngaaniit akuersaarsinnaanngikkitsik qalleqqissarpaa.

Peter Olsen aamma oqarpoq, aalisarnermut piniarnermullu tunngasut tunulliunneqartalissappata EU-mut isumaqatiginninniarnerit ajutuuissinnaasut, saattuanut tunngasut tassani eqqarsaatigineqarlutik.

KNAPK aamma isumaqarpoq, saattuat 1000 tonsit EU-mut tunineqartartut nunatta nammineq pisarisinnaagai, kattuffimminngaanniillu ernumassutigineqarpoq, isumaqatiginninniarnerit kingusinaarnissaat.

Hans Enoksen naalakkersuisumik toqqaasimassagaluartoq Peter Olsen naqissusiivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat