Hans Enoksen: Ilaatigut tusaaniarneqarneq ajorpugut

Naalakkersuisut siulittaasuat Hans Enoksen aamma ministeriuneq Anders Fogh Rasmussen Københavnimi ataatsimeeqqammerput, oqaluuserisassat pingaarutillit arlaqartut oqaluuserineqarlutik.

EU-p puisit amiinik eqqusseqqusiunnaarniarnera kiisalu nunatta arfanniarneq pillugu ataatsimiititaliarsuarmit IWC-mit ilaasortaajunnaarsinnaanera oqaluuserisanut ilaapput, pingaaruteqartullu allat aamma sammineqarlutik. Kalaallit Nunaata nunat tamat akornanni suleqatigiinnernut peqataanera ilaatigut aamma oqaluuserineqarpoq:

- Peqataagaluartugut tusaaneqanngitsutut illuta kissaatigut ilaatigut tunulliullugit aalajangersaasarnerit inooqataaffigisinnaanngikkivut isummatsinnik apuussiffigaara, isumaqatigiissutigaarpullu suliat malittareqqissaarlugit suleqatigiinnerit ingerlateqqissagivut, Hans Enoksen oqarpoq, nangipporlu:

- CO2-mut tunngasut nunatta 1990-imi atsiorsimasaa eqqartorparput, kisianni ersarissumik oqaatigaara, nassuerutigalugulu, tassunga atatillugu uagut naammassinninniarnerput ilungersunartorujussuusoq. Nunarput aalisarneq kisiat tunngavigalugu aningaasarsiortuunngitsoq ersersippara, aatsitassarsiorneq alumiiniuliorfimmik allanillu aningaasarsiulernissaa ilimanaateqartoq oqaatigaara, naalakkersuisut siulittaasuat Hans Enoksen oqarpoq.