Hans Enoksen: IA-kkut suleqatigiissinnaanissamik mattussinerat tupinnaqaaq
- IA-mik suleqateqarsinnaanermut tunngavissat tamaasa Siumup peereerpai. Inuit Ataqatigiit siulittaasuat Kuupik Kleist AG-p nittartagaani ippassaq taama issuarneqarpoq, Siumukkormiut qineqqusaarnerup nalaani inunnik qunusaaralutik saqqummertarnerat, piviusorsiunngitsunillu neriorsuisarnerat ilaatigut oqaatigineqarluni.
Allattoq Mads Lynge
juunip 02-at 2009 06:35
Taama naliliineq Hans Enoksenimit tupigusuutigineqarpoq:
- Tupigusuutigeqaara taama naliliisoqarmat. Kuupik Kleist suleqatigiissitsillaqqinnerpaatut ilaatigut eqqartorneqarpoq, qinersinerlu suli naammassinngitsoq suleqatissat ilaannik mattussinera isumaqarpunga pissusissamisuunngitsoq, Hans Enoksen oqarpoq, nangillunilu:
- Qineqqusaarnermi akerleriittarsimavugut, suleqatigiissutissavutllu qinersisoqareerpat aallartissavagut, uagullu Siumumi suleqatissarsiorluta ammanerput aammalu suleqateqarusunnerput ingerlateqqissavarput, inuiaat ataatsimut isigalugit Siumumi ingerlaqinniarpugut, Hans Enoksen oqarpoq.
