Hans Enoksen Aleqa Hammondilu New Yorkimi tikilluaqquneqarluarput
Naalakkersuisut siulittaasuata, Hans Enoksenip, New Yorkimi tikeraarnini nuannaarutigeqaa.
Aningaasaqarnermut Nunanullu allanut Naalakkersuisoq, Aleqa Hammond, peqatigalugu Amerikami aningaaserivissuit Kalaallit Nunaannut aningaasaliinissaat New Yorkimiinnermini anguniarpaa.
septembarip 07-at 2007 15:22
Politikerillu tikilluaqquneqarluaqaat.
- New Yorkip immikkoortortaani aningaasarsiornermi siuttoqarfimmut Wall Streetimut takkukkatta tulluusimaartinneqarujussuarpugut, Kalaallit Nunaata erfalasorujussuata amerikamiut erfalasuat erfalalluaqatigeqigaa takugatsigu, Naalakkersuisut siulittaasuat, Hans Enoksen, unnersiorpoq.
Enoksenip Hammondillu aningaaserivissuit katillugit arfinillit ataatsimeeqatigaat, pilersaarutit ukiuni tulliuttuni angorusunneqartut saqqummiullugit.
Aningaaserivissuit ataatsimeeqatiginerisa saniatigut kalaallit politikerit marluk taakku alumiiniumik tunisassiortut Alcoakkormiut qullersaat aamma ataatsimeeqatigaat.
